«PSJ» Frenki de Yong transferi ustida ishlamoqda. Parijliklar «Barselona»ga taklif tayyorladi

 5 MAY, 2026, 12:06

Frantsiyaning «PSJ» klubi yozgi transfer oynasi vaqtida «Barselona» yarim himoyachisi Frenki de Yongni sotib olmoqchi. Bu haqda El Nacional nashri xabar bermoqda.

Manbaga ko'ra, Parij grandi niderlandiyalik futbolchi uchun «ko'k-anorranglilar»ga 55 mln evro taklif qilishga tayyor. Qayd etilishicha, transfer shu yilning yozida amalga oshirilishi mumkin.

«Barselona»ning moliyaviy holati jamoadagi yuqori maosh oluvchi futbolchilardan biri bo'lgan de Yongning sotilishiga sabab bo'lishi mumkin. «PSJ» esa ushbu vaziyatdan foydalanib, markaziy chiziqni kuchaytirishni maqsad qilgan.