Tennis. Sinner Federerning natijasini takrorladi

 4 MAY, 2026, 19:36

«Katta dubulg'a» turkumidagi turnirlarning to'rt karra g'olibi, dunyoning birinchi raqamli raketkasi, italiyalik Yannik Sinner «Masters» seriyasiga kiruvchi to'qqizta turnirning sakkiztasida zafar quchdi. U ushbu toifadagi musobaqalarda shveytsariyalik Rojer Federerning natijasini takrorladi.

Barcha «ATP-1000» turnirlari bosh sovrinini qo'lga kiritish hozircha faqat serbiyalik Novak Jokovichga nasib etgan, u bu ishni ikki marta amalga oshirgan.

Sinner faoliyati davomida Indian-Uells, Monte-Karlo, Toronto, Tsintsinnati, Shanxay, Parij va ikki bor Mayami turnirlarida chempionlikni qo'lga kiritgan.