Fabregas: «APL — dunyodagi eng kuchli liga»

 4 MAY, 2026, 15:30

Italiyaning «Komo» klubi bosh murabbiyi Sesk Fabregas kelajakdagi rejalaridan ingliz chempionatiga qaytish o'rin olganini ma'lum qildi. «Arsenal» va «Chelsi»ning sobiq yarim himoyachisi boshqarayotgan jamoa evrokuboklarga yo'llanma olishga yaqin turibdi.

«APL — dunyodagi eng kuchli liga. Men buni har doim ochiq aytganman. Buni futbolchi sifatida his qilganman, hozir murabbiy va muxlis sifatida ham his qilyapman», — deya Fabregasning so'zlarini keltiradi Telegraph Sport.

35-turdan so'ng «Komo» Italiya chempionati turnir jadvalida 62 ochko bilan beshinchi o'rinni egallab turibdi. Jamoa to'rtinchi o'rindagi «Yuventus»dan 3 ochkoga ortda qolmoqda.