Engil atletikachimiz Sarvar Ismoilov Osiyo chempionati g'olibi

 4 MAY, 2026, 12:00

Koreya Respublikasining Mokpo shahrida engil atletikaning uloqtirish turlari bo'yicha Osiyo chempionati o'tkazildi.

Qita birinchiligida qatnashgan O'zbekiston terma jamoasi 1 tadan oltin va kumush medallarga sazovor bo'ldi.

Terma jamoamizga oltin medalni nayza uloqtirish dasturida Sarvar Ismoilov keltirdi. Yurtdoshimiz musobaqada 77.39 metr natija qayd etdi. SHu bilan birga, Ismoilov o'zining shaxsiy rekordini ham yangiladi.

Qolaversa, bosqon uloqtirish sektorida Ayubxon Fayozov 71.33 metr bilan kumush medalni qo'lga kiritdi.

Manba: olamsport.com