APL. «Tottenxem» safarda «Aston Villa»ni mag'lub etib, jamoa xavfli hududni tark etdi (videosharh)

 4 MAY, 2026, 06:00

Angliya Premer-ligasi 35-turidan o'rin olgan «Aston Villa» — «Tottenxem Xotspur» uchrashuvi yakuniga etdi. Birmingemdagi «Villa Park» stadionida bo'lib o'tgan bahsda mehmonlar 2:1 hisobida g'alaba qozondi.

12-daqiqada Konor Gallaxer hisobni ochib, londonliklarni oldinga olib chiqdi. 25-daqiqada Risharlison jamoa ustunligini oshirdi. Uchrashuvning qo'shimcha daqiqalarida, 90+6-daqiqada Emiliano Buendiya «Aston Villa»ning yagona goliga mualliflik qildi.

Ushbu natijadan so'ng «Aston Villa» 58 ochko bilan turnir jadvalida 5-o'rinda qolmoqda. «Tottenxem Xotspur» esa 37 ochko jamg'arib, 17-pog'onaga ko'tarildi va tushib ketish zonasini tark etdi.

Angliya — Premer-ligasi, 35-tur
3 may 2026 yil, Birmingem
«Aston Villa» — «Tottenxem Xotspur» 1:2
Gollar: Gallaxer 12, Risharlison 25, Buendiya 90+6.