Fergyusonning tobi qochdi

 3 MAY, 2026, 19:54

Yakshanba kuni Angliya chempionatida katta o'yin – «Manchester Yunayted» va «Liverpul» o'rtasidagi bahs bo'lib o'tmoqda. «Qizil iblislar» afsonasi Aleks Fergyuson odatdagidek «Old Trafford» stadioniga tashrif buyurdi, biroq u erda o'zini yomon his qildi.

Fergyuson shifoxonaga olib borildi, ammo Daily Mail nashrining ta'kidlashicha, bu faqat ehtiyot chorasi sifatida amalga oshirilgan. «Manchester Yunayted» vakillari ser Aleksning holati borasida ijobiy fikrdalar.

Aleks Fergyuson hozirda 84 yoshda. U 1986–2013 yillar davomida «Manchester Yunayted»ni boshqargan. Shotlandiyalik mutaxassis iste'foga chiqqanidan beri «qizil iblislar» biror marta ham Angliya chempioni bo'la olishmadi.