Kimmix: «Bavariya» o'z uslubini o'zgartirmaydi»

 3 MAY, 2026, 16:18

«Bavariya» yarim himoyachisi Yozua Kimmix mudofaadagi muammolarga qaramay, jamoa o'zining odatiy o'yin uslubidan voz kechmasligini ma'lum qildi.

«Biz «PSJ» bilan o'yinga uch kun qolganda uslubimizni o'zgartirib, mudofaaga yotib olmoqchi emasmiz. Biz g'alaba qozonishimiz kerak — hisob 5:4, 3:2 yoki 1:0 bo'lishining ahamiyati yo'q. Biroq, albatta, uzoq muddatli istiqbolda vaziyatni tahlil qilamiz va ba'zi jihatlarga tuzatish kiritamiz. Bu allaqachon muhokama qilingan», — deya Bayern & Germany Kimmixning so'zlaridan iqtibos keltirmoqda.

«Bavariya» va «PSJ» o'rtasidagi javob uchrashuvi 6 may kuni Myunxenda bo'lib o'tadi.