«Arsenal» «Siti» bilan farqni 6 ochkoga etkazib oldi

 3 MAY, 2026, 01:12

«Arsenal» APLning 35-turida «Fulxem»ni tor-mor etdi va ikkinchi o'rinda borayotgan «Manchester Siti» bilan oradagi farqni 6 ochkoga etkazdi.

Jamoalar mos ravishda 76 va 70 ochko jamg'arishgan, biroq «shaharliklar» ikkita kam o'yin o'tkazishgan (33 ta).

Dushanba kuni Pep Gvardiola shogirdlari safarda «Everton» bilan kuch sinashadi. Shuningdek, «Siti»ning zaxirasida 31-turdan o'rin olgan va 13 may kuni o'tkaziladigan «Kristal Pelas»ga qarshi bahsi ham bor.

Uchinchi o'rindagi «Manchester Yunayted» (61 ochko) esa «Arsenal»ning g'alabasidan so'ng chempionlik imkoniyatini rasman yo'qotdi. Endi bosh sovrin uchun faqat ikki jamoa da'vogar bo'lib qoldi.