«Bavariya» irodali o'yinlar bo'yicha Bundesliganing 26 yillik rekordini takrorladi

 2 MAY, 2026, 21:30

«Bavariya» joriy mavsumda Bundesliga o'yinlari davomida hisobda orqada borib, yakunda jami 29 ochko jamg'arishga muvaffaq bo'ldi.

Myunxen klubi bu borada «Bayer» tomonidan 1999/00 yilgi mavsumda o'rnatilgan liga rekordini takrorladi. Bugun Vensan Kompani shogirdlari Germaniya chempionatining 32-turida «Xaydenxaym» bilan durang o'ynadi (3:3). Jamoa ikkinchi bo'limga qo'shib berilgan 10-daqiqada Maykl Olise tomonidan kiritilgan gol evaziga mag'lubiyatdan qutulib qoldi.

Eslatib o'tamiz, «Bavariya» joriy mavsumda Germaniya chempionligini allaqachon naqd qilib qo'ygan — klub hisobida 83 ochko bor.