«Piza» va «Verona» A seriyadan tushib ketdi

 2 MAY, 2026, 05:54

1 may kuni «Piza» o'z maydonida Italiya A seriyasi 35-turi doirasida «Lechche»ga mag'lub bo'ldi. Uchrashuv 1:2 hisobida yakunlandi.

Ushbu o'yindan so'ng «Piza» chempionat jadvalida 17-o'rinni egallash imkoniyatini yo'qotdi. Hozirda jamoa 18 ochko bilan 20-o'rinda bormoqda.

Shuningdek, 19 ochko bilan 19-o'rinda joylashgan «Verona» ham «Lechche»ning g'alabasidan keyin A seriyadan tushib ketish hududini tark eta olmaydi. «Lechche» esa 32 ochko bilan 17-o'rinni egallab turibdi.