«Real» futbolchisi Arbeloadan ortiq uni bezovta qilmasligini so'radi

 1 MAY, 2026, 22:54

«Real» bosh murabbiyi Alvaro Arbeloa va jamoa yarim himoyachisi Dani Sebalos o'rtasida ochiqchasiga nizo kelib chiqdi. Ta'kidlanishicha, o'zaro suhbat futbolchining tashabbusi bilan bo'lib o'tgan.

Insayderlarning ta'kidlashicha, Sebalos bosh murabbiyga ular o'rtasida shaxsiy muammolar borligini aytgan va bundan keyin u bilan muloqot qilmaslikni so'ragan. Yarim himoyachining «Real» bilan shartnomasi 2027 yilning o'rtalarigacha amal qiladi, biroq Sebalos shu yozda klubni tark etmoqchi.

Klub rahbariyati Arbeloaning pozitsiyasini qo'llab-quvvatlagani aytilmoqda. «Real» mutasaddilarining fikricha, Sebalos joriy mavsumda kam o'yin amaliyotiga ega bo'layotganini oqlash uchun ataylab shunday nizoli vaziyatni yuzaga keltirmoqda.