Ilhom Mo'minjonov: “Xatolar ustida ishlab, keyingi o'yinga e'tibor qaratishimiz kerak”

 1 MAY, 2026, 07:06

Proliga 6-turi doirasida “Metallurg” — “Olimpik Mobiuz” uchrashuvi 1:1 hisobida yakunlandi. Bahsdan so'ng mehmonlar bosh murabbiyi Ilhom Mo'minjonov matbuot anjumanida ishtirok etdi.

Uchrashuv haqida fikr bildirar ekan, murabbiy o'yin qiziqarli kechganini ta'kidladi:

“Qiziqarli o'yin guvohi bo'ldik. "Olimpik Mobiuz" so'nggi mavsumlarda shakllanib kelayotgan yaxshi jamoa. Biz g'alaba uchun maydonga tushgandik, ammo so'nggi daqiqalarda gol o'tkazib yubordik — bu futbol.”

Murabbiy jamoa natijasidan to'liq qoniqmaganini, biroq peshqadamlik saqlanib qolayotganini ham qayd etdi:

“Yigitlarga minnatdorchilik bildiraman. Hozirda 14 ochko bilan jadvalda etakchimiz. Endi xatolar ustida ishlaymiz va keyingi o'yinga tayyorlanamiz.”

Shuningdek, u tarkibdagi yo'qotishlar haqida ham to'xtaldi:

“Maksvel jarohat oldi va uni almashtirishga to'g'ri keldi.”

Ilhom Mo'minjonov jamoaning asosiy maqsadi Superliga yo'llanmasi ekanini yana bir bor eslatib o'tdi:

“Asosiy maqsad — Superliga. Shunga qaramay, kubokda ham har bir o'yinda g'alaba uchun maydonga tushamiz.”