Gabriel Jezus faoliyatini A Seriyada davom ettirishi mumkin

 30 APREL, 2026, 18:06

"Arsenal" Premer-liga chempionligi uchun kechayotgan hal qiluvchi bahslarga tayyorgarlik ko'rmoqda, biroq Gabriel Jezus shu yozda "Emireyts"ni tark etishi mumkin.

Italiya futboli afsonasi Fabritsio Ravanelli "Yuventus" rahbariyatini Robert Levandovski kabi yoshi katta futbolchilardan ko'ra, braziliyalik hujumchini sotib olishga chaqirdi.

"Menimcha, klub boshqa hujumchi variantlarini ko'rib chiqishi kerak. Evropada ko'plab kuchli hujumchilar bor va bu ro'yxatni Gabriel Jezusdan boshlash mumkin. U bir nechta jarohatlarga qaramay, "Yuventus"da o'ynashga loyiq futbolchi. Boshqa yosh o'yinchilar ham bor va skautlar kelajakda muhim sovrinlarni yutib bera oladigan to'g'ri profildagi futbolchini aniqlashlari lozim", — dedi Ravanelli La Gazzetta dello Sport nashriga bergan intervyusida.

Joriy mavsumda jarohatlar uning o'yiniga salbiy ta'sir ko'rsatgan bo'lsa-da, Jezus hamon bozorda yuqori qiymatga ega aktiv bo'lib qolmoqda.