Gvardiola taxtidan tushirildi: Enrike Chempionlar Ligasida tarixiy ko'rsatkich qayd etdi

 29 APREL, 2026, 02:48

«PSJ» bosh murabbiyi Luis Enrike Chempionlar Ligasidagi 50-g'alabasini qo'lga kiritdi.

«PSJ» yarim finalning dastlabki o'yinida «Bavariya»ni mag'lub etdi (5:4). Bugungi bahs Enrike uchun murabbiy sifatida ushbu turnirdagi 77-o'yin bo'ldi.

Enrike Chempionlar Ligasida 50 ta g'alaba marrasiga boshqa har qanday murabbiydan tezroq etib keldi. Avvalgi rekord Pep Gvardiolaga tegishli bo'lib, u bu natijaga erishish uchun 80 ta o'yin o'tkazgan edi.