Angliyada Evropadagi ilk faqat ayollar futboli uchun mo'ljallangan stadion quriladi

 28 APREL, 2026, 22:30

«Brayton» klubi Buyuk Britaniya va Evropada birinchi bo'lib faqat ayollar futboli uchun mo'ljallangan stadion qurish rejalarini e'lon qildi.

10 ming tomoshabinga mo'ljallangan arenaning ochilishi 2030/31 yilgi mavsumga rejalashtirilgan. Uni erkaklar jamoasi uy uchrashuvlarini o'tkazadigan «Falmer Stedium» (sig'imi taxminan 32 ming kishi) yaqinida qurish ko'zda tutilgan.

Klubning ta'kidlashicha, stadiondagi barcha sharoitlar — kiyinish xonalaridan tortib vestibyulgacha — ayol sportchilar va ayollar futboli tomoshabinlarining ehtiyojlarini hisobga olgan holda loyihalashtiriladi.

BBC nashrining xabariga ko'ra, stadion qurilishi 75-80 million funt sterlingga tushadi.