«Yuventus» Bernardu Silva transferiga yaqinlashmoqda

 28 APREL, 2026, 20:54

Bernardu Silva shu yozda «Manchester Siti»ni tark etadi. Tomonlar mehnat shartnomasini uzaytirmaslikka qaror qilishdi. Shu tariqa, futbolchi erkin agentga aylanadi.

Football Insider nashrining yozishicha, Silva uchun kurashda «Yuventus» asosiy favorit bo'lib turibdi. Turinliklar yarim himoyachining transferi bo'yicha faol ish olib borishmoqda. Italiya grandi ushbu kelishuv borasida juda optimistik kayfiyatda.

Joriy mavsumda Bernardu Silva «Manchester Siti» safida 47 ta uchrashuvda maydonga tushdi. Ushbu bahslarda xavbek uchta gol urdi va beshta golli uzatmani amalga oshirdi.