Kvaratsxeliya: «PSJ» istalgan raqibni mag'lub etishga qodir»

 27 APREL, 2026, 19:36

«PSJ» vingeri Xvicha Kvaratsxeliya Chempionlar ligasi yarim finali doirasidagi «Bavariya»ga qarshi o'yin oldidan o'z fikrlari bilan o'rtoqlashdi. Seshanba kuni parijliklar o'z maydonlarida Myunxen klubini qabul qilishadi.

«Bizni juda og'ir o'yin kutmoqda, chunki raqib ayni damda juda yaxshi sport formasida. Ammo biz «PSJ»miz. Biz hamma narsaga qodirmiz va istalgan raqibni mag'lub eta olamiz. Maydonda bor kuchimizni beramiz», — dedi Xvicha klub televideniesiga bergan intervyusida.

Eslatib o'tamiz, «PSJ» va «Bavariya» o'rtasidagi dastlabki bahs 28 aprel kuni Parijdagi «Park de Prens» stadionida bo'lib o'tadi.