Luis Enrike: «PSJ» va «Bavariya» — Evropadagi eng kuchli ikki jamoa»

 27 APREL, 2026, 19:18

Parijning «PSJ» klubi bosh murabbiyi Luis Enrike Chempionlar ligasi yarim finali doirasidagi «Bavariya»ga qarshi o'yin oldidan o'z fikrlarini bildirib o'tdi. Ispaniyalik mutaxassis o'z jamoasini myunxenliklar bilan bir qatorda qit'aning eng kuchlisi deb hisoblamoqda.

«Bavariya» va «PSJ» ham himoyada, ham hujumda Evropadagi eng yaxshi ikki jamoadir. «Arsenal» ham yaxshi ishladi, ammo «Bavariya» ancha barqaror va ular bor-yo'g'i ikkita o'yinda mag'lub bo'lishdi. Biroq futbol sifatiga qaraydigan bo'lsak, biz birinchi raqamlimiz. Biz katta klublarni hurmat qilamiz, ammo reallik shunday», — dedi Enrike jurnalistlar bilan suhbatda.

Eslatib o'tamiz, «PSJ» va «Bavariya» o'rtasidagi dastlabki uchrashuv 28 apreldan 29 aprelga o'tar kechasi, Toshkent vaqti bilan soat 00:00 da boshlanadi.