«Atletiko» «Arsenal»ga qarshi o'yinlar oldidan muhim futbolchisini yo'qotdi

 27 APREL, 2026, 16:30

Madridning «Atletiko» klubi yarim himoyachisi Pablo Barrios jarohati sababli Chempionlar ligasi yarim finali doirasidagi «Arsenal»ga qarshi har ikkala uchrashuvni o'tkazib yuboradigan bo'ldi.

Ispaniyalik futbolchi mushaklaridan jarohat olgan. Ma'lumotlarga ko'ra, Barrios London klubi bilan kechadigan bahslarda jamoasiga yordam bera olmaydi. Hozirda futbolchi bor e'tiborini tiklanish jarayoniga qaratgan.

Agar «matraschilar» yarim final to'sig'idan o'ta olishsa, Pablo Barrios Chempionlar ligasi finaliga qadar safga qaytishga harakat qiladi.

«Arsenal»ga qarshi o'yinlar 29 aprel (Madridda) va 5 may kunlari (London)da bo'lib o'tadi.