Maks Eberl «Bavariya»ning Entoni Gordonga qiziqishi haqidagi xabarlarga munosabat bildirdi

 27 APREL, 2026, 16:30

Myunxenning «Bavariya» klubi sport direktori Maks Eberl jamoaning transfer rejalari va «Nyukasl» hujumchisi Entoni Gordonning ehtimoliy transferi haqidagi mish-mishlarga to'xtaldi.

«Entoni Gordon bilan bog'liq kelishuv? Amaldagi shartnomasi bor futbolchilar haqida gapirish hurmatsizlik bo'lgan bo'lardi. Biz yozgi transfer bozoriga xotirjamlik va aql bilan yondasha olamiz», — deya Eberlning ZDF telekanaliga bergan intervyusidan iqtibos keltiradi ingliz va nemis nashrlari.

Eslatib o'tamiz, avvalroq OAVda «Bavariya» ingliz futbolchisini o'z safiga qo'shib olmoqchi ekani haqida xabarlar tarqalgan edi.