«Chelsi» muxlislari qahramonga aylangan Entsoni olqishlashdi

 27 APREL, 2026, 16:24

Londonning «Chelsi» klubi yarim himoyachisi Entso Fernandes Angliya Kubogi yarim finalida «Lids» ga qarshi o'yinning haqiqiy qahramoniga aylandi. Ikki o'yinlik diskvalifikatsiyadan so'ng tarkibga qaytgan futbolchi o'z goli bilan «aristokratlar»ni musobaqa finaliga olib chiqdi.

Uchrashuv davomida «Chelsi» ishqibozlari argentinalik futbolchining ismini baralla aytib, uni olqishlashdi. Bu gol Entso uchun majburiy tanaffusdan keyingi birinchisi bo'ldi va jamoasiga final yo'llanmasini taqdim etdi.

Endi «Chelsi» Angliya Kubogi bosh sovrini uchun 16 may kuni «Manchester Siti»ga qarshi bahs olib boradi.