Rossiya terma jamoasining may va iyun oylaridagi raqiblari ma'lum bo'ldi

 27 APREL, 2026, 15:18

Rossiya futbol ittifoqining rasmiy Telegram kanalida Rossiya terma jamoasining yaqinlashib kelayotgan uchta o'rtoqlik uchrashuvi taqvimi e'lon qilindi. Valeriy Karpin shogirdlari bir uchrashuvni safarda, ikkitasini esa o'z maydonida o'tkazadi.

28 may kuni Rossiya terma jamoasi Qohira shahrida Misrga qarshi maydonga tushadi. 5 iyun kuni Volgograd shahrida Rossiya Burkina-Fasoni qabul qiladi, 9 iyun kuni esa Kaliningradda Rossiya jamoasi Trinidad va Tobago terma jamoasi bilan bahs olib boradi.

RFI xabarida ta'kidlanishicha, uchrashuvlarning aniq boshlanish vaqti qo'shimcha ravishda ma'lum qilinadi.