«Real» futbolchilari Mbappeni emas, Vinisiusni tanlashdi

 27 APREL, 2026, 10:36

Matbuotda Madridning «Real» klubidagi ichki muhit bilan bog'liq muammolar haqida yana xabarlar paydo bo'lmoqda. Hujumchi Kilian Mbappe jamoa ichida qiyinchiliklarga duch kelmoqda — u ko'pincha yakkalanib qolgan, bu esa hatto maydonda ham sezilmoqda, deb yozadi Madrid Universal.

Bundan tashqari, manbaning xabar berishicha, «qaymoqranglilar» futbolchilari frantsiyalik yulduzni emas, balki Vinisius Juniorni o'z etakchisi deb hisoblashadi. Bosh murabbiy Alvaro Arbeloa Mbappe jarohati sababli safda bo'lmagan davrda jamoada ijobiy dinamika yaratishga muvaffaq bo'lgandi. O'sha vaqtda Vinisius qo'shimcha mas'uliyatni o'z zimmasiga olib, jamoadoshlarini o'z atrofida jipslashtira oldi. Kilian esa Ispaniya poytaxtidagi faoliyati davomida hali bunday natijaga erisha olgani yo'q.