"Navbahor" stadioni: zamonaviy ko'rinish, sifatli chim va takomillashayotgan qulayliklar

 26 APREL, 2026, 20:30

"Lochinlar"ning yangi mavsumdagi zafarli o'yinlariga mos ravishda "Navbahor" markaziy stadionida ham keng ko'lamli ta'mirlash va obodonlashtirish ishlari hal qiluvchi pallaga kirdi.

Jarayon bilan Namangan viloyati hokimi Shavkatjon Abdurazzoqov yaqindan tanishdi.

Viloyat rahbari ta'mirdan so'ng yotqizilgan chimni parvarishlash, sug'orish tizimini ko'zdan kechirdi. Shuning barobarida stadion devorlarini hamda klubning asosiy ma'muriy binosini ta'mirlash va qayta jihozlash lozimligini ta'kidladi.

Ta'mirlash ishlarini tezroq yakuniga etkazish bo'yicha mas'ullarga aniq ko'rsatmalar berilib, ularning ijrosi qat'iy nazoratga olindi.

Namangan viloyati hokimligi Axborot xizmati.