Manba: Kilian Mbappening jarohati jiddiy emasligi aniq bo'ldi

 26 APREL, 2026, 18:24

Bugun, 26 aprel kuni Frantsiya terma jamoasi safida jahon chempioni bo'lgan, «Real» hujumchisi Kilian Mbappe tibbiy ko'rikdan o'tdi.

L’Équipe nashri xabariga ko'ra, ultratovush tekshiruvlari natijalariga asosan forvardda jiddiy shikast aniqlanmagan.

Mbappe La Liganing 32-turida «Betis»ga qarshi bahsda (1:1) jarohat olgan edi. 27 yoshli hujumchi 81-daqiqada almashtirildi va maydonni oqsoqlangan holda tark etdi.

Yaqin vaqt ichida futbolchining tiklanish muddati bo'yicha taxminiy ma'lumotlar e'lon qilinadi. Forvardning kelasi yakshanba kuni bo'lib o'tadigan «Espanol»ga qarshi uchrashuvda ishtirok etishi hozircha istisno qilinmayapti.