Eder Militao mundial uchun operatsiyadan voz kechishi mumkin

 26 APREL, 2026, 16:24

Braziliyalik markaziy himoyachi Eder Militao hali ham jahon chempionatiga borishdan umidvor.

Avvalroq, «Real» himoyachisi La Liga doirasida «Alaves»ga (2:1) qarshi kechgan bahsda olgan jarohatidan so'ng mavsum oxirigacha safdan chiqqani ma'lum bo'lgan edi. Shuningdek, braziliyalik futbolchi operatsiya qilinishi va JCh-2026 ni o'tkazib yuborishi haqida xabar berilgandi.

El Chiringuito nashri tarqatgan ma'lumotga ko'ra, Militao jarrohlik amaliyotiga rozilik berish borasida hali yakuniy qarorga kelmagan. U fizioterapevt bilan ishlash orqali jahon chempionatiga qadar jarohatidan tiklanishga umid qilmoqda.