Yozda «Milan»ni tark etadigan ikki nafar futbolchi nomi ma'lum bo'ldi

 25 APREL, 2026, 18:36

«Milan» yozgi transfer oynasida ikki nafar futbolchi bilan xayrlashishni rejalashtirmoqda. TUTTOmercatoWEB bergan ma'lumotlarga ko'ra, «rossonerilar» rahbariyati markaziy yarim himoyachi Ardon Yashari va hujumchi Kristofer Nkunkuning o'yinidan norozi.

Manbaning xabar berishicha, Italiya klubi ushbu futbolchilarning transferi bo'yicha takliflarni ko'rib chiqishga tayyor. «Milan» Nkunku va Yashari uchun sarflangan xarajatlarni qoplashga umid qilmoqda — klub ularni sotib olish uchun jami 80 million evroga yaqin mablag' sarflagan edi.

Joriy mavsumda Yashari 13 ta o'yinda maydonga tushib, bitta golli uzatmani amalga oshirdi. Shveytsariyalik futbolchi asosiy tarkib uchun raqobatda Luka Modrich va Samuele Richchiga imkoniyatni boy berdi.

Nkunku esa 30 ta uchrashuvda ishtirok etdi — frantsiyalik forvard hisobida oltita gol va uchta assist mavjud.