Unai Emeri «Liverpul» futbolchisini o'z jamoasida ko'rmoqchi

 25 APREL, 2026, 18:24

«Liverpul» yarim himoyachisi Kyortis Jons «Aston Villa» qiziqishlari doirasiga tushdi. Bu haqda Football Insider nashri xabar bermoqda.

Manba bergan ma'lumotlarga ko'ra, «Aston Villa» yozgi transfer oynasida tarkibni jiddiy ravishda qayta qurishni rejalashtirmoqda va Jons kuchayish uchun asosiy nomzodlardan biri sifatida ko'rilmoqda. «Liverpul» ham o'z futbolchisini qo'yib yuborishga qarshi emas, chunki mersisaydliklar mavsum yakunlangach tarkibni «tozalashni» maqsad qilishgan.

Qayd etilishicha, 25 yoshli Jonsning xizmatlariga «Aston Villa» bosh murabbiyi Unai Emeri shaxsan qiziqish bildirmoqda.

Joriy mavsumda xavbek barcha turnirlarda 44 ta o'yinda maydonga tushib, ikkita gol va ikkita golli uzatmani o'z hisobiga yozdirib qo'ydi.