Dino Dzoff: «Agar imkon bo'lsa, Italiya JCh-2026 ga Eron o'rniga borishi kerak»

 24 APREL, 2026, 14:06

Italiya terma jamoasining sobiq darvozaboni Dino Dzoff mamlakat terma jamoasining JCh-2026 ishtirokchilari safiga Eron o'rniga qo'shilishi mumkinligi haqidagi xabarlarga munosabat bildirdi.

Avvalroq AQSh prezidenti Donald Trampning maxsus vakili Paolo Jampolli FIFAga murojaat qilib, bo'lajak Jahon chempionatida Eronni Italiya bilan almashtirishni so'ragan edi.

«Bu amalga oshirilishi mumkin bo'lgan ish. To'g'ri, bunda ideal narsaning o'zi yo'q. Agar shunday imkoniyat tug'ilsa, garchi bu sport tamoyillariga unchalik mos kelmasa-da, biz undan foydalanishimiz kerak», — dedi Dino Dzoff Rai Radio1 ga bergan intervyusida.