«Chelsi» kongolik iqtidor uchun kurashda «Arsenal» va «MYu»ni ortda qoldirmoqda

 24 APREL, 2026, 11:24

Angliya Premer-ligasi grandlari «Sanderlend» yarim himoyachisi Noa Sadiki uchun kurash olib bormoqda. Transfer News Live nashrining The Journal’ga tayanib xabar berishicha, ayni damda 21 yoshli futbolchi uchun poygada «Chelsi» klubi «Arsenal» va «Manchester Yunayted»ni ortda qoldirib, peshqadamlik qilmoqda.

Kongolik istiqbolli futbolchining muvaffaqiyatlarini, shuningdek, «Everton» va «Tottenxem» klublari ham kuzatib borishmoqda. Transfermarkt portali mutaxassislari Noa Sadikining bozor qiymatini 30 million evroga baholamoqda.

APLning joriy mavsumida o'yinchi «Sanderlend» safida 28 ta o'yinda maydonga tushib, bitta golli uzatmani amalga oshirdi. O'tgan yilning yozida «qora mushuklar» ushbu xavbekni Belgiyaning «Yunion Sent-Jilluaz» klubidan 17 million evro evaziga sotib olgan edi.