«Barselona» «Real» bilan o'yinda oltin medallarni hal qilishi mumkin

 24 APREL, 2026, 11:06

Kataloniyaning «Barselona» klubi Ispaniya chempionati turnir jadvalida Madridning «Real» jamoasidan to'qqiz ochkolik farq bilan oldinda bormoqda. Shu bilan birga, ushbu ikki klub 10 may kuni o'zaro to'qnash keladi.

Agar o'sha vaqtgacha jamoalar o'rtasidagi hozirgi to'qqiz ochkolik farq saqlanib qolsa (ya'ni, ular o'zaro o'yingacha bo'lgan barcha uchrashuvlarda g'alaba qozonishsa), u holda «Barselona»da aynan «el- klasiko»da muddatidan oldin chempionlikni qo'lga kiritish imkoniyati tug'iladi.

Ushbu ikki murosasiz raqib o'rtasida ikki yuzga yaqin o'yin o'tkazilgan bo'lsa-da, Ispaniya chempionati tarixida hali hech qachon bunday holat kuzatilmagan.