Bernardu Silva oldida ikki grand klubdan takliflar bor

 24 APREL, 2026, 10:06

«Manchester Siti» yarim himoyachisi Bernardu Silva klubini almashtirishga tayyorgarlik ko'rmoqda. «Shaharliklar» sardori joriy mavsum yakunidan so'ng erkin agentga aylanadi — muddati tugayotgan shartnoma uzaytirilmaydi.

Hozirgi vaqtda 31 yoshli futbolchiga «Yuventus», «Barselona», «Benfika» va «Galatasaroy» klublari qiziqish bildirmoqda. La Gazzetta dello Sport nashrining ma'lumotlariga ko'ra, xavbekning o'zi Turin yoki Kataloniyaga ko'chib o'tish variantlarini afzal ko'rmoqda. «Barselona»ning portugaliyalik futbolchiga bo'lgan qiziqishi anchadan beri ma'lum bo'lsa, «Yuventus» yaqin orada bu borada jiddiy da'vogarga aylandi.

Manbaning ta'kidlashicha, «keksa sinora» vakillari Silvaning agenti Jorje Mendesh bilan doimiy aloqada bo'lib turishibdi.