Gavi EChLdagi muvaffaqiyatsizlik sababini aytdi

 23 APREL, 2026, 09:30

«Barselona» 11 yildan beri Chempionlar ligasida zafar qucha olmayapti. Joriy mavsumda «ko'k-anorranglilar» musobaqaning asosiy favoritlaridan biri sifatida ko'rilgan edi, biroq 1/4 final bosqichida Madridning «Atletiko» klubiga imkoniyatni boy berishdi.

«Selta» ustidan qozonilgan g'alabadan (1:0) so'ng bergan intervyusida yarim himoyachi Gavi jamoaning muvaffaqiyatsizligi va kelajakdagi rejalari haqida to'xtalib o'tdi:

«Men Flikning fikriga qo'shilaman: Chempionlar ligasida g'olib chiqish uchun tarkibda etakchilar bo'lishi shart. Bizda bir nechta etakchilar bor va men o'zimni ham ulardan biri deb hisoblayman», — dedi Gavi.

Ma'lumot uchun, Kataloniya klubining ushbu nufuzli musobaqadagi oxirgi g'alabasi 2014/15 yilgi mavsumga to'g'ri keladi.