Bavariya» «Bayer»ni mag'lub etib, Germaniya kubogi finaliga chiqdi (videosharh)

 23 APREL, 2026, 06:34

Germaniya kubogi yarim finalida «Bayer» va «Bavariya» o'zaro to'qnash keldi. Leverkuzendagi «BayArena» stadionida o'tgan bahs 2:0 hisobida mehmonlarning g'alabasi bilan yakunlandi.

Hisobni 22-daqiqada Xarri Keyn ochdi. Uchrashuv so'ngida, 90+3-daqiqada Luis Dias ikkinchi golni kiritib, g'alabani mustahkamladi.

Chorak finalda «Bavariya» «RB Leyptsig»ni 2:0 hisobida mag'lub etgan edi. «Bayer» esa «Sankt-Pauli»ni 3:0 hisobida yutib, yarim finalga chiqqandi.

Yarim finalning ikkinchi juftligida «Shtutgart» va «Frayburg» 23 aprel kuni o'zaro bahs olib boradi.

Amaldagi Germaniya kubogi g'olibi — «Shtutgart». Jamoa 2024/2025 mavsum finalida «Arminiya»ni 4:2 hisobida mag'lub etgan.

Germaniya kubogi. Yarim final
22 aprel 2026 yil, chorshanba. 21:45 (Moskva vaqti)
«Bayer» — «Bavariya» 0:2
Gollar: Xarri Keyn 22', Luis Dias 90+3'

Manba: stadion.uz