«Arsenal» Bernardu Silva uchun kurashga qo'shildi

 22 APREL, 2026, 21:12

Yarim himoyachi Bernardu Silva joriy mavsum yakunlanganidan keyin «Manchester Siti»ni tark etadi, bu haqda u avvalroq rasman e'lon qilgan edi.

ESPN nashrining ma'lumotlariga ko'ra, portugaliyalik futbolchini o'z safiga qo'shib olish uchun Londonning «Arsenal» klubi kurashga kirishdi. Shuningdek, 31 yoshli o'yinchining transferiga «Barselona» va «Yuventus» ham qiziqish bildirmoqda.

Bernardu Silva 2017 yilda «Monako»dan «Manchester Siti»ga 50 million evro evaziga o'tgan edi. Umumiy hisobda portugaliyalik futbolchi «shaharliklar» safida barcha turnirlarda 452 ta o'yin o'tkazib, 76 ta gol urdi va 77 ta golli uzatmani amalga oshirdi.