Uoker: «Biz ularning o'yinini buzishimiz kerak»

 22 APREL, 2026, 21:06

Bugun, 22 aprel kuni «Manchester Siti» Angliya Premer-ligasining 34-turi doirasida «Byornli»ga qarshi bahs olib boradi. Ilgari «shaharliklar» tarkibida to'p tepgan, hozirda «bordoranglilar» qanot himoyachisi Kayl Uoker bo'lajak o'yin borasidagi kutishlari bilan o'rtoqlashdi.

«Biz o'zimizni eng yaxshi tomonlama ko'rsatishimiz kerak. «Terf Mur»da ular uchun qizil gilam to'shab qo'yilmaydi. Biz ularning o'yinini buzishimiz, uni o'z nazoratimizga olishimiz va maydonning bizga tegishli qismida ularning ketma-ket hujumlarini to'xtata olishimizga ishonch hosil qilishimiz kerak», — deya Uokerning so'zlarini keltiradi Sky Sports.

Agar Xosep Gvardiola jamoasi g'alaba qozonsa, to'plangan ochkolar bo'yicha Londonning «Arsenal» klubiga etib oladi. «Byornli» esa elitada jon saqlab qolish imkoniyatini deyarli yo'qotgan, jamoa turnir jadvalida 19-o'rinda bormoqda.