Mbappe «Alaves» ustidan qozonilgan g'alabadan so'ng raqib murabbiyiga kutilmagan sovg'a berdi (foto)

 22 APREL, 2026, 16:42

Madridning «Real» klubi hujumchisi Kilian Mbappe La Liganing 33-turi doirasida kechgan «Alaves»ga qarshi bahsdan (2:1) so'ng raqib jamoa bosh murabbiyi Kike Floresga o'z libosini sovg'a qildi.

Jahon chempioni mazkur uchrashuvda hisobni ochib, jamoasining g'alabasiga muhim hissa qo'shdi. O'yindan so'ng «Santyago Bernabeu» stadionida qiziq voqea yuz berdi: Mbappe libosini echib, uni 61 yoshli ispaniyalik mutaxassisga taqdim etdi.

Kike Flores minnatdorchilik belgisi sifatida kaftini ko'ksiga qo'yib, Kilian bilan qo'l berib ko'rishdi. Shundan so'ng murabbiy qimmatbaho esdalikni yordamchilaridan biriga topshirdi.