Braziliyalik iqtidor sohibi «Zenit»ga o'tishni rad etdi

 22 APREL, 2026, 13:36

Braziliyaning «Botafogo» klubi yarim himoyachisi Danilo dos Santos Sankt-Peterburgning «Zenit» klubiga o'tmaydigan bo'ldi.

Avvalroq Rossiya klubi 25 yoshli futbolchiga jiddiy qiziqish bildirayotgani haqida xabarlar tarqalgan edi. Biroq «Sport-Ekspress» nashrining yozishicha, futbolchining o'zi faoliyatini «Zenit»da davom ettirishni istamagan.

Danilo jahon chempionatidan so'ng G'arbiy Evropaning kuchli klublaridan biriga ko'chib o'tishni rejalashtirmoqda. U mundialdagi ishtiroki orqali nufuzli jamoalar e'tiborini tortishga umid qilmoqda.

Ma'lumot uchun, Danilo dos Santos Braziliya chempionatining joriy mavsumida 9 ta o'yinda maydonga tushib, 6 ta gol va 2 ta golli uzatma qayd etdi.