Kallum Xadson-Odoi operatsiya qilindi

 21 APREL, 2026, 23:24

«Nottingem Forest» hujumchisi Kallum Xadson-Odoi Evropa Ligasi chorak finalining «Portu»ga qarshi javob o'yinida (1:0) jarohat oldi.

«Nottingem Forest» Kallum Xadson-Odoi o'tgan payshanba kuni Evropa Ligasi doirasidagi «Portu» bilan bahsda o'ng oyoq son to'rt boshli mushagidan jarohat olganini tasdiqlaydi.

Mutaxassislar bilan qo'shimcha maslahatlashuvlardan so'ng, bugun hujumchi operatsiya qilindi. U zudlik bilan klub shifokorlari nazorati ostida reabilitatsiya jarayonini boshlaydi.

Kallum mavsum oldi tayyorgarlik davrida to'liq mashg'ulotlarga qaytishi kutilmoqda. Klubdagi barcha unga tezroq sog'ayib ketishini tilaydi», — deyiladi «o'rmonchilar»ning rasmiy saytida.