Karrager Slotning «Liverpul»da qolish shartini aytdi

 21 APREL, 2026, 22:42

«Liverpul»ning sobiq futbolchisi Jeymi Karrager Arne Slotning mersisaydliklar boshqaruvidagi kelajagi haqida ma'lumot berdi.

«Mendagi ma'lumotlarga ko'ra, agar jamoa Chempionlar ligasiga yo'llanma olsa, Slot keyingi mavsumda ham «Liverpul» bosh murabbiyi sifatida qoladi. Hozirgi holatda ular buni uddalaydigandek ko'rinishmoqda», – dedi ekspert Monday Night Football ko'rsatuvida.

Ayni damda «qizillar» Angliya Premer-ligasi turnir jadvalida beshinchi o'rinni egallab turibdi. Bu o'rin keyingi mavsumda Chempionlar ligasining umumiy bosqichida ishtirok etish huquqini beradi.