«Manchester Yunayted» afsonasi sayr paytida haqoratlarga uchradi. Video ijtimoiy tarmoqlarda tarqaldi

 21 APREL, 2026, 22:24

«Manchester Yunayted»ning sobiq futbolchisi va klub afsonasi Gari Nevill sayr paytida haqoratlarga duch keldi. Bu holat aks etgan video ijtimoiy tarmoqlarda tez tarqaldi, deb yozmoqda The Sun.

51 yoshli futbol eksperti ayol bilan birga yurib ketayotganida, bir shaxs tomonidan qo'pol tarzda chaqirilgan va kamera oldida haqorat qilingan.

Videoda noma'lum shaxs Nevillga nisbatan qo'pol va haqoratli so'zlarni ishlatadi. Sobiq himoyachi bu chaqiriqqa burilib: «Nima?» deb javob qaytargan.

Shundan so'ng, provokator yanada agressiv tarzda haqorat qilishni davom ettirgan va uni videoga olayotganini ham ta'kidlagan. Shuningdek, u Nevillni oddiy ishchi tabaqa hayotini tushunmaslikda ayblagan va hatto uning o'z muxlislari ham unga qarshi chiqqanini aytgan.

Hozircha ushbu holat yuzasidan rasmiy izohlar berilgani haqida ma'lumot yo'q.