Saloh «Liverpul»ga qimmatga tushmoqda: Har bir golning narxi 2 million evroga yaqin!

 21 APREL, 2026, 17:36

«Liverpul» hujumchisi Muhammad Salohning joriy mavsumdagi statistik ko'rsatkichlari va uning maoshi o'rtasidagi bog'liqlik tahlil qilindi. Misrlik vinger yiliga 24,1 mln evro maosh olib, bu ko'rsatkich bo'yicha APLda faqat Erling Holanddan keyingi ikkinchi o'rinda turadi.

Joriy mavsumda Saloh Angliya chempionatida 24 ta o'yinda maydonga tushib, 7 ta gol va 6 ta golli uzatmaga mualliflik qildi. Uning umumiy 13 ta natijaviy harakatini inobatga olsak, klub uchun uning har bir samarali ishi 1,85 mln evroga tushmoqda.

Eslatib o'tamiz, Muhammad Saloh kelayotgan yozgi transfer oynasida erkin agent sifatida «Liverpul»ni tark etishi kutilmoqda.