«Chelsi» o'z tarbiyalanuvchisi bilan professional shartnoma imzoladi

 21 APREL, 2026, 12:48

Londonning «Chelsi» klubi akademiyasining iqtidorli himoyachisi Kalvin Diakite bilan ilk professional shartnomani imzolash bo'yicha kelishuvga erishdi. Bu haqda Fabritsio Romano xabar berdi.

Yangi kelishuv 2028 yilning iyun oyiga qadar amal qiladi. 16 yoshli himoyachi allaqachon «aristokratlar»ning U18 va U21 jamoalarida o'zini ko'rsatishga ulgurgan.

Shuningdek, Diakite Angliya o'smirlar terma jamoasining ham doimiy a'zosi hisoblanadi. Klub rahbariyati ushbu futbolchini kelajakda asosiy jamoaning muhim bo'lagi bo'lishiga ishonch bildirmoqda.