Leonardo Bonuchchi Italiya terma jamoasiga Gvardiolani olib kelishni taklif qildi

 21 APREL, 2026, 11:30

Italiya terma jamoasi sobiq himoyachisi Leonardo Bonuchchi milliy terma jamoa bosh murabbiyligiga Pep Gvardiolani taklif qilish kerak deb hisoblaydi.

«Italiya terma jamoasining ehtimoliy murabbiyi haqida gapiradigan bo'lsak, muhokama qilinayotgan nomlarga qaraganda, hammasini boshidan boshlash istagi borligi sezilmoqda.

Men Gvardiolani taklif qilish imkoniyatini ko'rib chiqishdan boshlagan bo'lardim. Bu o'tmishda sodir bo'lgan barcha narsani to'liq qayta qurish deganidir.

O'ylaymanki, bu juda qiyin, lekin hozir orzu qilish zarar qilmaydi», — dedi Italiya terma jamoasi bosh murabbiyi assistenti lavozimida faoliyat yuritayotgan Bonuchchi.

Eslatib o'tamiz, Italiya terma jamoasi JCh-2026 ga chiqa olmaganidan so'ng, Djennaro Gattuzo o'z lavozimini tark etgan edi.