«Napoli» tajribali himoyachilari bilan shartnomani uzaytirmaydi

 20 APREL, 2026, 23:42

Xabarlarga ko'ra, «Napoli» markaziy himoyachisi Juan Jezus shartnomasi muddati tugagach, katta ehtimol bilan jamoani tark etadi.

34 yoshli braziliyalik himoyachining «Adzurrilar» bilan amaldagi kelishuvi kelasi yilning yozida nihoyasiga etadi va uning uzaytirilishi kutilmayapti.

Garchi «Napoli» dastlab shartnomani yangilashni rejalashtirgan bo'lsa-da, keyinchalik klub transfer siyosatini jamoani yoshartirish va qayta qurish yo'nalishiga o'zgartirgan.

Natijada, mavsum yakunida nafaqat Juan Jezus, balki Leonardo Spinatstsola ham jamoadan ketishi kutilmoqda. Spinatstsolaning qolish ehtimoli kam bo'lsa-da, hozircha yangi shartnoma bo'yicha hech qanday kelishuvga erishilmagan.

«Napoli»ning bu qarori klubni kelajak uchun yangilash va tarkibni tubdan isloh qilish strategiyasining bir qismi hisoblanadi.