"PSJ" Martinelli bo'yicha muzokaralarni boshladi

 20 APREL, 2026, 18:48

Frantsiyaning «PSJ» klubi Londonning «Arsenal» jamoasi a'zosi Gabriel Martinellini o'z safiga qo'shib olish harakatlarini boshladi.

Ma'lumotlarga ko'ra, parijliklarning sport masalalari bo'yicha maslahatchisi Luish Kampush braziliyalik vingerning vakillari bilan dastlabki muzokaralarni o'tkazgan. «PSJ» rahbariyati Martinellini jamoaning hujum chizig'ini kuchaytira oladigan asosiy nomzodlardan biri sifatida ko'rmoqda.

24 yoshli Gabriel Martinelli joriy mavsumda «Arsenal» safida barcha musobaqalarda jami 47 ta uchrashuvda maydonga tushdi. Ushbu bahslar davomida futbolchi raqiblar darvozasiga 11 ta gol kiritishga muvaffaq bo'ldi va 6 ta golli uzatmani amalga oshirdi.