Konate «Liverpul»dagi kelajagini deyarli hal qildi

 20 APREL, 2026, 17:54

Angliyaning «Liverpul» klubi himoyachisi Ibraima Konate jamoadagi kelajagi va amaldagi shartnomasini uzaytirish borasidagi muzokaralar haqida to'xtaldi.

Ma'lumot uchun, frantsiyalik futbolchining mersisaydliklar bilan amaldagi kelishuvi joriy yilning iyun oyi yakuniga qadar mo'ljallangan. Konatening ta'kidlashicha, klub bilan olib borilayotgan muzokaralar yakuniy bosqichga kelgan.

— Bu borada ko'p gapirildi, ammo biz klub bilan anchadan beri muzokaralar olib bormoqdamiz va kelishuvga juda yaqinmiz. O'ylaymanki, barcha bu jarayon tezroq yakunlanishini istaydi. Biz to'g'ri yo'ldamiz. Keyingi mavsumda ham shu erda qolish ehtimolim juda yuqori, chunki men doim shuni xohlaganman, — dedi himoyachi.