Zidan «Real»dagi faoliyati bo'yicha yakuniy qarorga keldi

 20 APREL, 2026, 15:18

Zinedin Zidan «Real»da ishlash borasida yakuniy qaror qabul qildi. Frantsiyalik mutaxassis Madrid klubining taklifini rad etdi. Bu haqda El Mundo nashri xabar bermoqda.

Qayd etilishicha, Zidan o'z kelajagi bo'yicha ustuvor yo'nalishlarni belgilab olgan. U yaqin orada klub futboliga qaytish niyatida emas. Zinedin JCh-2026 turniridan so'ng Frantsiya terma jamoasida lavozimni egallashni rejalashtirmoqda.

Avvalroq OAVda «Real» bosh murabbiyligiga Yurgen Klopp va yana bir qator mutaxassislar nomzodi ko'rib chiqilayotgani haqida xabarlar tarqalgan edi.