Bernardu Silva: «Manchester Siti»ni yuqori notada tark etmoqchiman»

 20 APREL, 2026, 13:24

«Manchester Siti» yarim himoyachisi Bernardu Silva «Arsenal» ustidan qozonilgan g'alabadan (2:1) so'ng, mavsum yakunida klubni tark etish borasidagi qaroriga izoh berdi.

«Bu men uzoq vaqt davomida o'ylab qabul qilgan muhim qarorim. U allaqachon qabul qilinib bo'lgan edi. Bu juda hayajonli, ammo men bu qaror o'zim uchun to'g'ri ekanligini anchadan beri bilardim. Endi «Manchester Siti»ni yuqori notada tark etmoqchiman. Ushbu klub uchun qo'limdan kelgan hamma narsani berishga tayyorman. Bu jamoa umrimning katta qismi bo'lib qoladi», — dedi Silva BBC Radio 5 Live efirida.

Bernardu Silva «Manchester Siti»ni to'qqiz mavsumlik faoliyatidan so'ng tark etadi. «Shaharliklar» navbatdagi uchrashuvni 22 aprel kuni «Byornli»ga qarshi o'tkazishadi.