O’Rayli Donnarummaning xatosiga munosabat bildirdi

 20 APREL, 2026, 12:42

«Manchester Siti» himoyachisi Niko O’Rayli Premer-liganing 33-turidan o'rin olgan «Arsenal»ga qarshi o'yinda jamoa darvozaboni Djanluidji Donnarumma yo'l qo'ygan va golga sabab bo'lgan xato haqida fikr bildirdi.

«Donnarummaning xatosi bizga biror-bir tarzda ta'sir qildi, deb o'ylamayman. Biz o'yinga qaytishimizni bilardik. Yakunda Jiji ikkinchi bo'limda hal qiluvchi seyvni amalga oshirib, bizni o'yinda saqlab qoldi. Shunday ekan, bu xato bizga salbiy ta'sir ko'rsatdi deb hisoblamayman», — deya O’Raylining so'zlarini keltirmoqda City Report.